Кылымдарды карытып жашап келген чыгармачылык өнөрлөрдун баары ошол элдин акылына, эмгегине, табигый шартына , тарыхый окуяларына жараша жалпы эле жаратылыш менен болгон күрөштө бирге жаралып аны менен чогуу өсүп өнүгөт. Кол өнөрчүлүк , обон күү, кооздук окшогон көп өнөрлөр менен ажырагыс бирдикте жашап келе жаткан тил өнөрү да тынымсыз өсүп олтуруп, кандай гана залкар мурастар жаралган.

Кече гана тиги кырда жок эле , кайдан чыкты "киргиз” деген маңкурт жаш?! , "үч  кыргыз бир оруска  орусча сүйлөйт ,бир орус беш кыргызга орусча сүйлөйт." --- дегендей азыркы учурда кыргыз тилинде сүйлөгөн адамдарды азыраак жолуктурабыз , борбор калаабызда таптакыр жолуктурбай калдык десем деле жаңылышпайм. Эмне үчүн азыркы учурдагы мектеп окуучулары,башканы айтбай еле колу, жөнөкөй "Сенин атың ким?" деген суроого да жооп бере алышпайт. Ал эми кыргыз тилине салыштырмалуу башка тилдерде англис, немис, япон, кытай ж.б. тилдерде аз гана убакыттын ичинде эркин сүйлөп кетишет. Чет тилин китептен окуган бир башка, ошол тилде сүйлөгөндөр менен эркин баарлаша билүү бир башка эмеспи. Мына биз дагы ,коңшу кытай элинин жеринде чет тилин өздөштүрүп жаткан кезибиз.Чет тилин билүү --- ааламга ачылган терезе деп айтсак да болот эмеспи.Ойлоно турган маселе ---- Ар кайсы элдердин өкүлдөрү өздөрүнчө чогулганда өз тилдеринде сүйлөшчү, а биз орусча сүйлөшөбүз. Бир күнү бир кытай : "Силер баарыңар оруссуңарбы?",- деп сурады. "Жок, кыргызбыз, биздин тилибиз такыр башкача", - десем, ал: "Силер эмне үчүн бири-бириңердин тилиңерди үйрөнбөй, жалаң эле орусча сүйлөшөсүңөр?" Мындай жагдайга жеке жана биз еле эмес,көпчүлүк  дагы жолуккан чыгар. Өзүбүздүн кыргыздар, өз эне тилибизди жетишеерлик деңгЭЭлде билбегенибиз Эч кимге жаңылык Эмес.Эгер андай болбосо эмне үчүн Аселибиз --- Ася, Максатыбыз --- Макс ,Каныкейибиз --- Катя болуп чыга келишти?!

Бирге жүрсөм эне тилин кадырлайм,
Бул тил менен иштейм, сүйлөйм, ыр ырдайм.
Башка тилди кандай жакшы көрсөм да,
Эне тилин сүйгөнүмдөн жаңылбайм...

Эне тил! Ооба, менин эне тилим. Ал кыргыз тили. Үч миң жылдык тарыхы бар эзелки элимдин тили, мекенибизди дүйнө жүзүно дүңгүрөткөн Чыңгыз атамдын тили.
Биринчиден биз ---кыргыз эли ,эне тилибизди терең өздөштүрүп,кадырлап барктай билгенден кийин гана, кыргыз тилин билбегендерди кыргызча сүйлөөгө,аны сыйлап урматтоого,кыргыздын тарыхын,маданиятын, жаратылышин сүйүүгө үйрөтүшбүз керек.Улут болсом,тилим менен улутмун демекчи, мен кыргызча сүйлөсөм,сен кыргызча сүйлөсөң ,коом кыргызча сүйлөйт!