Биз, Кытай Эл Республикасынын Гансу провинциясынын Ланьчжоу шаарында билим алып жаткан Кыргызстандык студенттер, 2010 жылдын 10 сентябрында «Ланьчжоу шаарындагы кыргызстандык студенттер» аттуу уюм түзүүгө жетиштик. Уюмдун түзүлүүсүнө, акыркы жылдары Ланьчжоу шаарына билим алууга келип жаткан кыргыз жаштарынын санынын көбөйүүсү жана ага байланыштуу ар кандай ич ара маселелердин келип чыгуусу түрткү болду. Уюмдун максаты кыргыз жаштарынын ынтымагын чыңдоо, патриоттук сезимин көтөрүү, билим алуу кезинде жаралуучу ар кандай маселелерди биргеликте чечүү, ар жылы окуу жайларында өткөрүлчү маданий иш чараларды биргеликте өткөрүү жана Кытай Эл Республикасынын жогорку окуу жайларына тапшырууну каалаган өлкөбүздүн жаштарына керектүү маалыматтарды жеткирүү.